सजीवांनी अन्न व पाणी घेऊन त्यांचा वाढ व इतर कामांसाठी वापर करणे या प्रक्रियेला पोषण म्हणतात. आणि या कामासाठी उपयोगी पडण्याऱ्या अन्नघटकांना पोषकतत्वे म्हणतात.
पोषकतत्वे आणि अन्नपदार्थ
कर्बोदके, स्निग्ध पदार्थ, प्रथिने, जीवनसत्वे, खनिजे आणि तंतुमय पदार्थ हे आपल्या अन्नातील पोषकतत्वांचे मुख्य प्रकार आहेत.
ऊर्जादायी पोषकतत्वे - कर्बोदके
आपली मुख्य गरज ऊर्जेची असते. ती कर्बोदकांमुळे भागते. त्यामुळे आपल्या आहारात भात, पोळी, भाकरी, अशा पदार्थांचा समावेश असतो. म्हणून जास्त प्रमाणात कर्बोदके देणारी तृणधान्ये आपल्या अन्नातील प्रमुख घटक आहे.
कार्बोहायड्रेट्स कार्बन, हायड्रोजन आणि ऑक्सिजनपासून बनविलेले सेंद्रीय संयुगे आहेत. ग्लूकोज, सुक्रोज, लैक्टोज, स्टार्च, सेल्युलोज ही कार्बोहायड्रेट्सची उदाहरणे आहेत. कार्बोहायड्रेटचे वर्गीकरण मोनोसाकॅराइड (ग्लूकोज), डिसकॅराइड (सुक्रोज) आणि पॉलिसेकेराइड (सेल्युलोज) आहे. वर्गीकरण प्रत्येक समूहात असलेल्या साखर रेणूंच्या संख्येवर आधारित आहे.
आपण खालेल्या अन्नपदार्थ पासून आपल्याला उषण्तेच्या स्वरूपात ऊर्जा मिळते. उष्णता मोजण्यासाठी किलोकॅलरी एक्काचा वापर करतात. वाढत्या वयातील मुलं-मुलींना रोज साधारणपणे २००० - २५०० किलोकॅलरी ऊर्जा अन्नातून मिळण्याची गरज आहे.
Comments
Post a Comment